BORRÁS, ALICIA / CHAO, RODRIGO (Ilustración)
O señor Corpo quere xogar, quere moverse, quere brincar. Dona Cabeza vaille axudar, os ollos terán que mirar, a boca falar, as orellas escoitar, coas pernas camiñar e cos pés andar.
E que fará o señor Corpo cos brazos, coas mans, co cuíño...?
Alicia Borrás naceu en Vigo, onde traballa como profesora de teatro, actriz de dobraxe e escritora. Polo seu dominio da palabra oral, moitas das historias que escribe presentan esa relación constante cos ecos das narracións transmitidas de xeración en xeración. Outros dos seus libros beben directamente da tradición folclórica, como é o caso de Quen son?, conto de adiviñas publicado por Editorial Galaxia.
